Aningaasatigut isumalluutit
Kalaallit Nunaanni Naatsorsueqqissaartarfik sulianut pilersaarusiamik aalajangersaasarpoq, taannalu aningaasaliissutinik ukiumoortumik aningaasanut inatsit aqqutigalugu tunniunneqartunit suliassanillu suliakkiissutaasunit isertitanit aningaasalersorneqarpoq.
2015-imi aningaasaliissutit 10.601 t.kr-miipput. Naatsorsuinerup inernerata takutippaa aningaasat atukkat 1.394 t.kr.-nik ikinnerusimasut. Atukkat ikinnerusimaneranut pingaarnertut pissutaapput ukiup 2015-ip affaani siullermi atorfiit arlallit inuttaqarsimannginnerat, nuna tamakkerlugu naatsorsuutinut ingerlatsinermut siunnersorteqarnermut aningaasartuutikinnerusimaneq aamma missingersuusiornermut atatillugu naatsorsuutigisamit nuna tamakkerlugu naatsorsuutit kisitsisitigut paasissutissat ineriartortinneqarnerannut aningaasat atugassatut naatsorsuutigineqartunit ikinnerusimanerat.
Nuup qeqqanut nuunneq pissutigalugu allaffeqarfiup ingerlanneranut aningaasartuutit 2015-imi nungulluinnarsimapput. Peqatigisaanillu Kalaallit Nunaata EU-mik suleqateqarnissamut isumaqatigiissutaanut atatillugu kisitsisinut akiliisarneq unitsinneqarluni.
SAS-imut akuersissutit atorunnaarsinneqarneranut WPS-imullu nuunnermut atatillugu qarasaasiaqarnermut aningaasartuutit 2015-imi annikillingaatsiarsimapput. Tassungattaaq atatillugu Pinngortitaleriffiup SAS-imut akuersissutinut piginneqataaneranut isertitat taamaatipput.
Siunnersorteqarnermut aningaasartuutit 2014-imit 2015-imut ikilisimaneranut Naatsorsueqqissaartarfiup Kalaallit Nunaata Danmarkillu akornanni atuisartunut akit assigiinngissutaannik kisitsisinngortitsineranut Danmarks Statistikimit 2014-imi siunnersorteqartarsimanera pingaarnertut pissutaavoq.
2015-imut naatsorsuutini 1.060 t.kr.-inik immikkoortitaqarpoq.
Takussutissiaq 6. Naatsorsuutit inerneri 2010-2015
Suuneri |
2010 |
2011 |
2012 |
2013 |
2014 |
2015 |
Akissarsiat |
9.694 |
8.951 |
8.783 |
9.326 |
9.960 |
9.439 |
Sulinermut atatillugu angalanerit |
166 |
203 |
222 |
178 |
206 |
197 |
Ilassinninneq / tunissutit |
12 |
7 |
8 |
10 |
11 |
8 |
Pikkorissartitsinernut aningaasartuutit |
63 |
52 |
175 |
139 |
37 |
21 |
Siunnersortit avataaneersuut |
1.027 |
648 |
467 |
345 |
982 |
321 |
Atorfinittunut atorfeqarunnaartunullu aningaasartuutit, utaqqiisaasumik ineqartitsinerit |
209 |
- |
69 |
40 |
66 |
0 |
Sullississutit |
339 |
262 |
365 |
332 |
288 |
281 |
Nioqqutissanik pisinerit allaffissornermilu aningaasartuutit |
359 |
233 |
216 |
123 |
188 |
110 |
Illut |
350 |
356 |
363 |
371 |
94 |
0 |
Qarasaasianut aningaasartuutit pisinerillu |
526 |
265 |
262 |
285 |
288 |
75 |
Immikkoortitat |
0 |
0 |
0 |
0 |
0 |
1.060 |
Isertitat |
-1.903 |
-1.600 |
-2.066 |
-2.887 |
-2.633 |
-2.306 |
Tamaasa katillugit |
10.840 |
9.379 |
8.864 |
8.261 |
9.187 |
9.207 |